بتكلم عن واقع تجربة مريت فيها بس ماكان لدرجة ان هالإنسانة دمرت جزء كبير من حياتي بس كان لها تأثير كبير وضرر على حياتي ،،
بس بعلق بشكل عام على هالمواقف
طبعاً بكون الموقف لا أحسد عليه ،، ويمكن في ذيك اللحظه أتمنى لو أني ما حضرت ولا شفت هالشخص
بس اذا شاء القدر بعد شسوي !!
المهم ،، أعتقد اللي راح أسويه في بادىء الأمر اني اتظاهر بان كل شي عادي واني اوكي وبحاول قدر الإمكان بأن أخفي كل شي بداخلي ،، لان اللي فات فات ما أقدر أغيّر شي .
أكيد من داخلي بكون يغلي بس بحاول أبيّن عكس هالشي تماماً من الخارج و أعتقد اني بضحك و بسولف وله كأن شي صار وبحاول ما أبيّن انكساري وضعفي لهالشخص لأن اذا بينت فهاي بكون دليل نصره وهاي شي مستحيل احسسه فيه
واذا جت عيني بعين هالشخص فنظراتي كفيلة انها توصل له الكلام بدون ما أتكلم و أعتقد ان النظرات بتكون نظرات قوة مو ضعف ومعاها نظرة احتقار لهالشخص عشان يعرف قدره .
آخر شي حتى لو ابتسم لي برد له الإبتسامه بابتسامه بس أكيد بتكون مصطنعة يعني هاها ،، وآخر شي أفكر أسويه اني اطلع من المكان اللي يتواجد فيه ،، اذا قدرت اطلع بدون ما احسسه اني متضايقة او شي بطلع اكيد، بس ساعات يكون الموقف ان اذا طلعت جنه أبي اتهرب وهاي الشي ما ابيه يحس فيه
أحس الموضوع متشعب يعني يعتمد تصرفي معاه على نوع الشي اللي سواه !!
ساعات يكون الصمت كفيل بحل مثل هذه المواقف وساعات يكون الصمت ضعف !! فيعتمد يعني
بس في كلا الحالتين المفروض الواحد يتصرف بعقلانية وبدون تهوّر
يسلمووو ع الموضوع وننتظر جديدك وربي يبعدج ويبعدنا عن مثل هذي المواقف وعذراً على الإطالة
تقبلي مروري على صفحات موضوعك
" بقايا أمل "
مـ،ـاذا تـ،ـفـ،،ـعلـ...
العرض العادي
