تقسى وتظغى ليش واتمد لي البـوز
وانا اتحـرى مـن جنابـك رسالـه
تـدري قسـم بالله ماكنـت مهـزوز
من قبل اعرف الحب وادخـل مجالـه
من لا خسر ما يعرف اشلون بيفـوز
وانا خسرت وجيـت لـك بالعمالـه
مادام رمح الحب في القلـب مركـوز
وانـا مجنّـد للقصـيـد وخيـالـه
ما اجوز عن حب الغنادير ما اجـوز
قلبي خضر ويسـوق عقلـي هبالـه
احب واعشق واعجب الكـل واحـوز
على رضـا قلـب المحـب ودلالـه
ماني (دفيد بيكهام) ولاني (توم كروز)
انا ابدوي وسـط الكويـت بحلالـه
اسمع خلف هـذال واسمـع لفيـروز
شاعر . رومنسي .حالتي غير حالـه
في القلب كل الحب والشوق مكنـوز
واذا عشقت اعشـق لحـد الثمالـه
واعرف افك ارموز واشفّـر ارمـوز
لا صار صمت الشخص يحكي بدالـه
والصف الاول في المواجيب محجـوز
بسمي مع ارجال الكـرم والشكالـه
والحين انا في قمة الشوق (بيكـوز)
طبعـي ثقيـل وصاحبـي ينعنـالـه
وسلامتكم
الي يحب الرومنسية ( شعر )
العرض العادي
