قبل فترة كنت رايح أحد المقاهي في العدلية بجنب بنك Hsbc وقبل دخولي للمقهى شفت رجال يغسل سيايير قلت له بياا بكم يغسل سيارة لإعتقادي انه هندي الجنسية لانه لباسه كان ما يبين عليه بحريني وبشرته سمرة فرد عليي والدمعة في عيونه يقول روح يا ولدي ما باغسل لك ، انا يوم شفت لهجته البحراني البحرينية الاصلية وشفت تاثره ودمعته اللي في عيونه تأثرت وقلت له سامحني ابوي وحقك على راسي وما ادري ولاحقته ابي ابوس راسه بس ما رضا يخليني .. في النهاية دخلت القهوة وانا متأثر وكنت قاعد ويا ربعي وانا مشغول بالي ويا الرجال .
اليوم وبعد الأحداث والتحريق تذكرت الموقع وقلت في بالي يعني ليش نلوم هالفقارة اذا حرقوا وما نلوم نفسنا اذا شفناهم في وظائف اقل شي ينقال عنها ما تليق بمقامنا كبحرينين ، وكم وكم من مواقف الذل اللي يتعرضون لها هالمساكين يعني تخيل يجي واجد يساومه على ربية وهاللي يساوم كاشخ وراكب سيارة آخر موديل وهذا مو لاقي ياكل ويشتغل يغسل سيايير في الليل وفي النهار في وضيفة بـراتب 150 دينار .
ليش الحكومة ما توفر لهم وظايف زينة ورواتب زينة وتنهي هالتمييز وبعدين لا بنشوف حرايق ولا بنشوف شي ، والامر ابدا ماله علاقة بالوطنية وكلكم شفتون ايام الميثاق ويش صار وشلون الناس كانت مستانسة ورافعة صورة الملك واعلام البحرين بعد ما وعد الملك بعصر جديد واصلاح حقيقي ومرت لحد الآن سبع سنوات من بداية هالكلام وما شفنا شي .
لاحد يجي يقول ليي ايران وامريكا وسني وشيعي ومجنس ومواطن الموقف انساني بحت وماله دخل بأي شي لكنه يثير حرة في القلب حتى لو كان هاللي يغسل مالي أي صلة فيني
القرآن الكريم دين المسلمين يقول
بسم الله الرحمن الرحيم
ان الله يأمركم ان تؤدوا الامانات الي اهلها واذا حكمتم بين الناس ان تحكموا بالعدل
صدق الله العظيم
وتلاحظون القرآن استخدم لفظ الناس ،فهل ترون أن هذا عادل ! اريد جوابكم وتأكدوا قبل الضغظ على زر اعتمد الموضوع انه عادل
منقووووول
حـــــ كسيفة ــالـة !!
العرض العادي
