توادعنا..وعانق قلبي جراحٍ نست تلتم..
ولا فكرت في جروحي..تبلسمها؟!
لأنك طيب هالدنيا..ولأنك للجرح بلسم..
تعال وداوي جروحٍ ..من أسبابك نزف دمها!!
بعد ما كنا للأحباب كتاب منه تتعلم
أصول الحب وعواطفنا كان العشق يترجمها..
بعد ما كنت أنام الليل ولحكي العذال ما أهتم..
تجي وتشّمت العذال..وعهود الحب ترجمها؟؟!
افا هانت عليك أيامنا كلها..وصرت لصرحنا تهدم؟
أبي أعذار..أبي تعليل..ليش العشرة تهدمها؟
إذا في شي صارحني..أنا من داخل أتألم..
أنا روحي بقايا روح..بسبة عشق ألّمهااااا
إذا فعلا تقول تحس وين إحساسك تهشّم؟؟
بأي مينا رست كل الأماني .. اللي نصممها..؟
وبأي دفتر حفرت اسمي وكلمة بيها أتبسّم؟
"أحبك" يا بعد عمري..وببقايا الزيف تبصمها!!
تقول تحبني دايم..ويفرح خافقي..ويندم
على لحظات فاتتنا بلا ظلك يجملها..
ولما أبتعد خطوة..بخطواتك لي تتقدم
وتسمع نبضتي بإنصات ونبضة منك تسلمها
وتنثر بالحنايا شي أحسبه من الوجود أقدم
وتزرع في القلب صورة بغيابك كنت أكلمها
أنا في هيئتي إنسان..بس إنسان متحطم..
يبي يرتاح من دنيا غدوا كل أهلها همهااااا
بعد ما هانت العشرة وبعد ما صرحنا اتهدّم
من اللي كنت متوقع جروحي هو يبلسمها..
أفا هانت !
العرض العادي
