يوم في حياة عضو او مشرف ..,

M E L A F · 10-29-2007, 06:48 PM

يـــــوم فــــــي حياة عضـــــو أو مشرف

موضوع جميل وخفيف وياليت الجميع يشارك فيه .
الفكره عجبتني وحبيت اطبقها في منتدانا المتألق...

سنقوم باستضافة عضو..يحكي لنا عن مسار يومه
منذ ان يصحوا صباحاً حتى يحل الليل وينام...

متحدثاً بحريه تامة وبأسلوب..عفوي جداً

وكم جميل لو كان به

بعض المــرح والإنطلاق والتحرر من قيود

المواضيع الرتيبه

ثم بعد أن ينتهي يقوم هو شخصياً بأختيار عضو آخر

ليحكي لنا عن تفاصيل يومه وكيف يقضيه...

طبعاً حبذا لوكان التحدث عن يوم عادي وليس يوم إجازه

وذكر التفاصيل ليكون الموضوع ممتع...

طبعا كل عضو نختاره ويتكلم عن نفسه بعد أن ينتهي

يختار هو العضو الذي يليه وهكذا....

الموضوع محتاج تفاعل مستمر

ويش رايكم نختااار مديرنا ((error))

error · 10-30-2007, 04:06 PM

و عليكم السلام

::notti:: موضوع رائع ..

يالله نبدأ ببسم الله

طبعاً في البداية أول ما أقعد من النوم أقصد اذا قعدوني :bleh: لأنه مستحيل أقعد بروحي الا متأخر
اغسل و كلشي و أول شيء أبدأ بغذاء الروح << :bleh: مو الغذى اقصد الصلاة
:bad: و بعدين دايركت على الريوق طبعا ما آكل شي بس اشرب جاي و اقوم
:bad: و بعدها أطلع رايح للمدرسة ،، امشي و في راسي النومة هههه
و عندي عادة دائماً ، إذا كان عليي إمتحان أول ما أوصل المدرسة أروح ادرس كل الدروس بالسريع ، لكن اذا ما كان في امتحانات انام في الصف لبداية الحصة الاولى لأنه مستحيل أنام في حصة دراسية :bleh:
::notti:: اي و بعد في الفسحة أول ما يطق الجرس أروح لـ ahmed صفهم لأنه عيار مايركب الدرج و يجي صفنا ،،، المهم و تمر الحصص إلى أن يخلص الدوام المدرسي
:bleh: و أول ما ارجع البيت أتغذى
طبعا بعد الغذى لازم أخذ لي وقت على الكمبيوتر ، و ما اقوم الا لما يقوموني البيت
:bleh: حتى يقولون لي مادري شعندك ويا الكمبيوتر... رجل اعمال ... كله 24 ساعة قاعد عليه
و لا انسى الواجبات لازم أحلهم بعد ما أتملل من الكمبيوتر << أصلا ما اتملل لكن لو مايقوموني ههه
انزين و يجي الليل مايحتاج بعد عشى و بعدين نووم و اكمل يومي في أحلامي خخخ :bleh:

:bad: هذا بالنسبة لي ، يعني ماعندي برنامج محدد أتبعه يومياً ، طبعاً هالأيام يختلف الوضع لأنه إمتحانات ، :bleh: ادري بتقولون ويش قاعد اسوي على الكمبيوتر الحين و باجر عندي أمتحان
لأنه باجر عندي أنج فما يحتاج دراسة :bleh: الحين الي يسمع يقول ولد ميري فنان في الانج و انا أضعف مادة عندي الانج

المهم ،، أختار عاشق الأكرف

M E L A F · 10-30-2007, 10:09 PM

شكرا اخوي ((error)) .. ننتظر ((عاشق الأكرف)) ..,

الله يعطيك العافيه ..,

ألم الروح · 10-30-2007, 10:56 PM

موضوع الصراحه في قمه الرووووعه..

تسلمين أختي على الموضوع ..

او في انتظار عااشق الاكرف ..

مع خالص احترامي وتقديري..

ألم الروح..

عـاشق الأكرف · 10-31-2007, 09:45 PM

السلام عليكم ورحمة الله وبركاته

يومياتي 31 أكتوبر 2007

في المدرسة أولا: رحت في الفسحة مع الاعضاء أحمد و إيرور والدقاق وعــــــــــــاشق الأكرف وحسن007 ندور ونتكلم عن المنتدى .

رجعتي من المدرسة:

1-دراسة وحفظ في حيا222

2-وأتحلم في باچر لأن باچر آخر إمتحان
في البيت دراسة لاغير

M E L A F · 10-31-2007, 09:50 PM

^
شكرا ((عـاشق الأكرف ))

بس ما اخترت مين يكون بعدكـ ..
يلا اني بختار ((الــم الرووح)) ..,

ألم الروح · 10-31-2007, 10:03 PM

بسم الله الرحمن الرحيم..
اللهم صلي على محمد وآل محمد وعجل فرجه..

السلام عليكم ورحمه الله وبركاته..

اول شي يقعدوني من النوم.. اصلي .. اتريق..
اروح المدرسه .. ادرس شوي هناك .. ادور ع التحضير..
سوالف او مادري ويش..
تبتدي الحصص .. وتبتدي وياهم الكآبه..
في الفسحه سوالف او تعليقات او ضحك او اهم شي الاكل..
لين علينا امتحان خب لازم نحمل الكتب..

يطق الجرس>>ويلي عليه.. معلناً رجعتنا البيت..
ارجع البيت.. اصلي او اقعد على النت..
اقوم من النت على الساعه 3 تقريباً..
اروح انام.. اقعد من النوم الليل اصلي او اكل بيبسي او جبس او جديه يعني..
ادرس .. اكمل دراسه اروح للنت على الساعه 10 او ساعات قبل..

اكمل من النت اروح شوي اراجع.. اكمل اروح ساعات اتصل لبنت خالي..

او تالي انام..

أختار العضو الا بعدي ..

مفتونه بالعباس..

ننتظرش..

مع خالص احترامي..

ألم الروح..

M E L A F · 10-31-2007, 10:22 PM

شكرا على مروركـ الرائع اختي ((الـم الروح)) .,

اممممممم ببتدي من امس ما نمت الا الساعه 2 باليل كنت جالسه عالنت
وبعدها نمت وصحوووني للمدرسه , اول حصه تاريخ وقفت اشااان مو حاله الواجب ::544:: وبعدها حصه فااااااضيه والي بعدهااااا فااااضيه صديقاتي طقوها سوالف هالحصتيين امااا اني ضليت افكر وافكر وافكر << << تفكير عميق جدا ..
وبعدين نزلنا الفسحه اخخ يالفسحه احبها :11ap: شريت لي فطووور وتوني بسم الله باااكل جاات وحده تشاابقني يلا وقضينا حصه كامله في الأداااره والتهزئ

اني مو غلطااانه بس مظلووومه والله يعيني بس .. و الباقي
يعوروا الراااس ويجيبون المغص ..:bad: << << الحصص ..,
بعدين رجعت البيت صليت وقلت بجلس عالمسنجر فكيت ((فتحت)) مسنجر الجوال وما كان احد موجود ونمت وصحيت المغرب على الأذااان تقريبا وصليت
((ما بقول ونمت :bleh:)) بعدها رحت السووق مع اختي ورجعت ذاكرت.. وجلست عالنت خخخخخخ ..,
للحين يعني ..

اختاااار الي بعدي امممممممممم ((الدقاق))

الدقاق · 11-01-2007, 06:45 AM

اولا : بسم الله الرحمن الرحيم
ثانيا : السلام عليكم ورحمة الله وبركات
ثالثا : شكرا على الدعوه اختي مفتونة بالعباس

اول شئ اقعدمن الصبح اصلي وبعدين اسبح والبس ثيابي
واخذ تلفوني وفلوسي واروح تحت اعدل الشنطة واروح انتظر الباص
من اول ما اروح المدرسة اطلع اروح اشتري ليي ريوق وارجع الصف او الطابور
وبعدين بس احاااارس الحصص تخلص بسرعه
ولما يطق جرس الفسحه اروح اول اشتري ليي حاجات خفيفة وبعدين اروح الى احمد ونطقها سوالف ليييييين اخر الفسحة
وبعدين ...., بعد انتظر الحصص تخلص واروح البيت اصلي واتغدى وانام
واقعد المغرب اصلي واروح البرادة اشوف ليي شئ ينأكل
وارجع البيت اطالع مسلسل الحيالة وبعدين اذاكر الى الساعه عشر وبعدها اقعد على النت شوي واروح انام

{{ يوميات رجل مهزوووم }}