خبركم من احد يحرك فيني الذاكره خلاص اشتغل مااقدر اسكت :)


الاثرائي والمقتطعة والابداع والفسحه << مابتكلم لانه ان تكلمت مابخلص << اعرف روحي هديره
كان عندنا في الصف ما شاء الله وحده تغني و ناس ترقص وحده تقلد على المعلمات وحده ام شلخ
نسوي دائره ورى الصف ونلعب ( غمازه ) ( اونو ) ( نسوي لينا ريوق نجيب شاي وحليب و رول وجبن وتوست والباقي هرار سلطات وسوالف ) ادا صار عيد ميلاد بنيه نسويه

كنا قلب واحد محد يفتن على الثاني : السنه صفنا يلوعون الجبد كل وحده حاطين ليها الثانيه سم
لكن اله يتعدلون مو على كيفهم جدي اني مااعيش !! لا سنيتين بعد حلوه ( لازم نعدلهم شوي )
تعودت من واني اول ابتدلئي الصف اللي اني فيه يطلع بيرفكت بس هالمره ماادري اشلون ؟!؟!


خبركم من احد يحرك فيني الذاكره خلاص اشتغل مااقدر اسكت :)
بقول ليكم عن كل حصة وش نسوي اله اتذكره :

العرب :
هادي حصه غير فيشن المعلمة اخذت ليها شهر كامل وهي تشرح القصيده ( اللي فيها اوال انت الهوى )
ولو زين تشرح تيجي تخلي بنيه تكتب المستويات على السبوره واحنا نكتب وراها وعاد شوفوا وش يصير
وكله تعصب وتقول : بكتب اساميكم فرقة خمسه احسن منكم بوديهم رحله <<عبالها جهال
ولا يفوتكم مره كان عندنا عرب وفرقة خمسه عندهم فراغ معلمتهم غايبه جان اتجي تسوي حره ماابيكم بروح اشرح لفرقه خمسه
وبعدين جت نهايه الحصه تقول انتوا ماتفهمون ليش ماقلتون عندكم عرب كبركم متاخرين في المنهج !!!!!!!! متنا عليها من الضحك

عرب الفصل الثاني : مافيه شي يذكر غير الدقله اللي على صوب وكله تهددنا : ببند الاي سي وبسويكم قاطرات كانكم في امتحان وطبعا الى اخر يوم هالتهديد ماتنفد ..

ريض الفصل الاول : من تدخل الصف تكتب على السبوره : حكمة اليوم ان لم تستحي فافعل ماشئت وبعدين تروح تفتح الباب تقول :
يابنات اللي تسوي فوضه بطلعها بره مو تدور اتروح اله الاشراف وعاد مره كانت توها فاتحه الباب اله بينه واقفه ليها تقول مثل الكلام
قامت المعلمة تضحك تقول حفظتون ولا تنفدون

ريض الفصل الثاني : انواع الخبااااااال بدرجه مو طبيبعيه يعني المعلمه رايحه ومروحه تزعل وتطلع بره الصف ونروح نراضيها انرجعها
والصف في حصتها فراااغ خبر كااااان يعني اللي مايخطر على بالكم نسويه في حصتها نطلع وندخل على رااااحه ومره قالت تبي تودي السشوار للمشرفه طبعا صار فيه مجادلات واخدوه من عندها ومره فيلم هندي : بنيه قالت للمعلمة بعدل وياش اوراق الامتحان وقامت تصحح للبنات الاخطاء طبعا المعلمة حست قامت بتهاوشها لكن البنيه تداركت روحها ومثلت البكاء وما شاء الله الدموع جاهزه
والمعلمة اعتذرت منها ... وماانسى يوم اللي الصف هدء قاموا مجموعه بنات مره واحده يصارخون فااااار ويقومون وتروح المعلمة تلصق في السبوره كان المنظر رهييييييب الصراحه تسدحنا من الضحك ..

فيز : معلمة هابة رييييح مايلحق يدق الجرس عند الباب وتشرح بسرعه ولا تشرح مساله وحده تقول اني اشرح اصعب مساله علشان تعرفون تحلون كل المسال بس البنات ماخلوها في حالها وادا تعصب مانشوف اله وحده قاعده وتطالع وحده وحده والبنات يضحكون وهي معصبه ويقعدون يسوون حركات لين ماتضحك بس كانت حدها جديه

كيم : بعد نفس الحال جديه بس حليوه حصتها رغم انهي السابعه ومتعبه اشوي بس يعني تخلص اللي تبي تشرحه وبعدين تقعد تسولف ويانا عن دراستها في الجامعه وعن الدرجات والمعاناة وسوالف الغربه ..

دين الفصل الاول 101 : رغم صعوبه المادة الا ان المعلمة كانت تحل الحصه المعلمة عجييييييييبه حدهااااا يوم اللي نقول مانبي درس ماتدرسنا ويوم اللي نقول ماحضرنا تقول فتحوا الكتاب وادا قلنا لها باجر البسي لون جدي تلبس عليها نقول لها مانبي ندرس في الصف وتطلعنا وصار موقف يوم العيد الوطني : طبعا البنات ممنوع نحمل تلفونات في المدرسه وكانت كم بنيه حامله تلفون الموهم كنا في المدرج والمعلمة طلعت وظلوا ماادري وش يسوون في التلفونات المعلمة جت وعلى طول حطوهم في حظن وحده حامله كتاب من دخلت المعلمة طاحوا ههه ..

انج : الفصل الاول والثاني الحال من بعضوا مسوين مجموعات وهدره ومزحه ومسخره والمعلمه كل اشوي وقالت البهيفير جوكلتس
واخر شي تهاوشت ويه ثنيتن وطلعت من الصف قالت انتون ماتستاهلون وحده تتعب وتاخدكم حصص ( كانت ماخدتنا حصه زياده )
ولا رجعت نهائيا ماشفناها هه هه

بس بس بس عاد لوعتين جبدنا لو بعدش اوووووف مللتينا كانه محد راح مدرسه ومحد صار عنده صف غيرش >> قايله ليكم احذروا المواضيع اله فيها ذكريات لانه مااقدر اسكت وهدي امسكته روحي بعد لو مو مسكتهروحي جان ويش
( هــــــــلو ردت فتحت سالفه غير )

ادري طولت عليكم ( ودمي ثقيل في هالمواضيع ) اتحملوني !!