(..حسبي عليك الله ..)

*
*صدّقتك ...

لما قلت لي ( أنا احبك ) ...

و أنت تحلف لي بربّك ...

ما طلبت منّك شواهد ، أو أمارة ، أو دليل ...

ما دريت أنّ وفاءك لي بـ يكون المستحيل

لما قلت ( لزوم أغادر ) ...

و أنا أودعك و أنت تغادر ...

و أنا أوفي ... و أنت غادر ...

و أنت توعد ... و أنا عاذر ...

ما تخاف الله ؟ و تكذب في اليمين ؟؟

قادر إنه يشل لك يد اليمين ...
يا عسى كلمة ( مخادع ) تنطبع فوق الجبين ...

يا عسى كذبك و غدرك بين عشّاقك يبين

قلبي لك خلّيته مثل البيت تسكن فيه وحيد ...

فيه تتغنى ، و تمرح ، فيه سو ّ اللي تريد ...

كنت لمّا يجي الشتاء ... دمّي أشعله لأجله دفا ...

و لما يلفي الصيف ... أنفاسي تصير تهفهفه ...

أيا حسرة على بيتٍ بنيته ...

عشانك انت ، و رحت و ما بغيته ...

هدمت البيت بعدك و محيته ...

زرعت الزرع و لكن ما جنيته

خطاي أني صدّقت قولك ( أحبك )...

عشقتك و ما في يديني أي دليل ...

رضا قلبي يعيش في بحر كذبك ...

غرقت و مالي للمينا سبيل ...

و أنا في البحر أسبح و اتلفّت ...

أشوف أحبابك الغرقى إش كثرهم ... !

ضحايا وعود زيف ٍ ما توفّت ...

خطاهم حبّك ، و عشقك عذرهم ...

في قلبي ما أسكنت غير واحد ...

و أنا فـ قلبك من بين ذولا واحد !

حسبي عليك الله ... و هو نعم الوكيل ...

فيني اللي سوّيته يا ظالم مو قليل ...

رجّع لي اللي ضاع من عمري معاك ...

لا بارك الله فيك .. و لا ربّي رعاك ...

مشكور ... ما قصّرت ... بي يا ابن الحلال ...

غيّرت فكري و نظرتي بكل الرجال ...

مشكور ... قتلك فيني قلبي للأبد ...

ما عاد فيني قلب يترجّاه أحد ...

ما عاد فيني قلب يترجّاه أحد ...

ما عاد فيني قلب يترجّاه أحد ...

ما عاد فيني قلب يترجّاه أحد ..

.